नांदी !

नांदी.....
झोकदार रंगीत स्वागत मंडप...स्वागतोत्सुक यजमान...
नटलेला प्रशस्त hall...trendy रेशमी सळ-सळ...सुगंधी दरवळ...
खच्चुन नटरंगी गर्दी...मुहुर्ताची वेळ समीप...उत्साह तुंबल्या सारखा.....
Ac, पंख्यांची घर-घर...खुर्च्यांची सरकवा सरकवी...
चौफेर पाहुण्यांची कलकल...घुमणारे चढ्या आवाजातील संस्कृत मंगलाष्टकं...
लग्न लागलं !
........
ढोल-ताशा-शहनाईची गोळीबंद सुरावट...बाहेर तड-तड फटाक्यांची माळ...
माईक वरुन प्रेमळ सुचनांचा भडीमार...
थर्माकोलच्या बॊल्स सारखी इस्ततः पांगलेली गर्दी...

कोणाचाही ताळमेळ कोणालाही नसलेला उत्साही...आंनंदी...सनातन कोलाहल !
आणी स्टेजवर आवरु-सावरु हसु बाळगत अभिनंदनाचा वर्षाव झेलणारे...
अवघडलेले नवपरिणीत वधु-वर.....
खरचं आयुष्यातल्या " नांदा सौख्यभरे " या नाटकाची या पेक्षा उत्कृष्ट नांदी कोणती बरे असु शकेल ?
!